आमच्याविषयी

 MPY ब्लॉग विषयी थोडेसे

        शालेय विद्यार्थ्यांच्या जीवनातील महत्वाचे टप्पे म्हणजे इ.१० वी व इ. १२ वी च्या परीक्षा.विद्यार्थ्यांच्या भावी कारकिर्दीला वळण देणाऱ्या या परीक्षांबद्दल अनेक समज गैरसमज जनमानसात तयार झालेले आहेत.त्यातच सन २०२०/२१ या वर्षात कोविड-१९ मुळे शालेय शिक्षणाची वाताहत झाली.इ १० वी च्या विद्यार्थ्यांसाठी कमी कालावधीत परीक्षेची तयारी कशी करता येईल याचे विचारमंथन सुरू झाले व आखणी झाली *१००दिवसात १० वी* या कार्यक्रमाची.कार्यक्रमाच्या नियोजनासाठी झालेल्या बैठकांमधून असाही विचार पुढे आला की विद्यार्थ्यांना सार्वत्रिक परीक्षा,शालेय काळातील स्पर्धा परीक्षांच्या संदर्भात कायमस्वरूपी मार्गदर्शन होणेसाठी एका ई-विचारपीठाची स्थापना करता येईल का? सकारात्मक विचारांना चालना मिळाली व त्यातून निर्मिती झाली MPY Learning Community या ब्लॉगची.

          सदर कार्यक्रमाची आखणी ,अंमलबजावणी करण्यासाठी तीन संस्थांनी पुढाकार घेतला.त्यात महाराष्ट्र राज्य माध्य व उच्च माध्य शाळा मुख्याध्यापक संघ महामंडळ( M ),पुणे जिल्हा माध्य व उच्च माध्य शाळा मुख्याध्यापक संघ( P )आणि यशवंतराव चव्हाण प्रतिष्ठान मुंबई चा शिक्षण विकास मंच( Y )यांनी.

            या ब्लॉगच्या माध्यमातून इ १० वी च्या विषयासंदर्भात अभ्यासक्रम तसेच प्रश्नपत्रिका स्वरूप,प्रश्नपत्रिका सोडविण्याचे तंत्र  या विषयी राज्य मंडळातील अनुभवी तज्ञांचा सल्ला,विविध शैक्षणिक उपक्रमासंबंधी लेख व बातम्या,विषय योजना व विषयाचे मूल्यमापन या संदर्भातील शैक्षणिक परिपत्रके व शासन निर्णय तसेच शालेय स्पर्धा परीक्षाविषयी मार्गदर्शन आपल्याला मिळू शकणार आहे.